Friday, June 17, 2016

උතුරු දකුණු කිතුනු සාහිත්‍ය බිහි නොවුණේ ඇයි?

සේයා රුව - ලාල් ලක්ෂ්මන්

පොදු ඇදහිල්ලක් තිබියදීත් උතුර හා දකුණ යා කළ කිතුනු සාහිත්‍ය බිහි නොවුණේ ඇයි ?

මැයි මාසය ශී‍්‍ර ලංකා ඉතිහාසයේ සන්ධිස්ථානයක් සළකුණු කරයි. සිංහල ඇසින් එය යුධ ජයග‍්‍රහණයේ උද්දාමයත් උතුරේ ද්‍රවිඩ ජනයාගේ ඇසින් තම ජනතාව මතට හෙලූ බියකරු විනාශයක ශෝකයක් සටහන් කරයි.
එකම රටක මිනිසුන් දෙවර්ගයකට එකම සිදුවීමක් මෙසේ දැනෙනවානම් එය එකම රටක් වනු හැකිද?

අපගේ මෙම කෙටි ලිපියේ අරමුණ ඒ ගැන විමසීම නොවේ. විශේෂයෙන් ශී‍්‍ර ලංකාවේ සංහිදියාව උදෙසා ප‍්‍රබල දායකත්වයක් සැපයීමට ශක්‍යතාවයක් තිබු, තිබෙන කිතුනු ප‍්‍රජාව සාහිත්‍ය ක්ෂේත‍්‍රය තුළ ඒ සඳහා ගෙන ඇති උත්සාහය කුමක්ද? යන්න විමසීමයි.

ශී‍්‍ර ලංකාවේ සිංහල හා දෙමළ යන ජාතින් දෙකම නියෝජනය කරන ප‍්‍රධාන ආගම වන්නේ ක‍්‍රිස්තියානියයි. කතෝලික ඇන්ගිලිකානු මෙතොදිස්ත සියල්ලම නියෝජනය කරන සිංහල හා දෙමළ විශ්වාසිකයෝ සිටිති.           

ජාතින් දෙකට අයත් වුවද ඔව්හු එකම ඇදහිල්ලක ජීවත් වෙති. එකම විශ්වාසයක් මත පදනම් වෙයි. එබැවින් ඔවුන්ට සාමය හා සංහිදියාව සඳහා විශාල මෙහෙවරක් කළ හැකිව තිබුණේය. එය ඔවුන් අතින් ඉටු නොවිය. තවමත් ඉටුවන බවක් නොපෙනේ. එය දෙවියන්ට පිටුපෑමකි. කවදා හෝ මේ රටේ කිතුනුවන් කිතුනු නායකත්වය දෙවියන් ඉදිරියේ ගණන් දිය යුතු ප‍්‍රධාන කරුණක් වන්නේ එයයි.

පසුගිය දශක දෙක තුන තුළ පශ්චාත් හා පූර්ව යුධ සමයන් හි අත්දැකිම් විමසා බැලෙන කිතුනු නිර්මාණයක් බිහි වීමද, සිදු වු බවක් නොපෙනේ. එය එසේ වුයේ ඇයි?

උතුරේත් දකුණෙත් කිතුනු සාහිත්‍යධරයින් නැති නිසාද? කිතුනු සාහිත්‍යධරයින් යැයි කියාගත්ත පිරිස් සිටියත් සැබැවින්ම ඔවුන් තුළ කිතුනු ආධ්‍යාත්මිකත්වයක් නොතිබුණු නිසාද?

උතුරේ හද ගැස්ම දකුණටත් දකුණේ හද ගැස්ම උතුරටත් සන්නිවේදනය කළ හැකි අත්දැකීම් බෙදාහදා ගැනීමේ කි‍්‍රයාමාර්ගයක් වත් එක්ව නොගැනීිම කොතරම් දරුණු අතපසු කිරිමක්ද?

අවම වශයෙන් යුද්ධයට අදාළ විවිධ තත්වයන් තුළ ඝාතනයට ලක් වු අතුරුදහන් වු පූජකතුමන්ලා ගැනවත් පූජක සංඝයක් ලෙස එක්ව දිව්‍ය පූජාවක්වක් තැබිමේ පියවරක්වත් ගැනිමට නොහැකි වීම පවසන්නේ කුමක්ද? අපගේ ඇල්මැරුණු මළ ඇදහිල්ලයි. මේ පිළිබඳ යම් පමණක් හෝ අවබෝධයක් ගත හැකි සාක්ෂි දැරිම් එකතුවක් වන්නේ කිතු දහමේ විමුක්ති හරයට පණ පෙවුවො පොත පමණි.

උතුරේත් දකුණේත් කිතුනුවෝ කිතුනුදහමට වඩා ජාතිවාදයට යටවුවන් බව මෙයින් නොපෙනේද?

විශේෂයෙන් මෙහිදි වැඩි පුර යමක් කිරිමට හැකියාව තිබුණේ දකුණේ කිතුනුවන්ටයි. එහෙත් ඔවුන් අතින් එය ඉටු නොවිණ. එය ඉටු නොවීමට නිදහසට කරුණු කීමෙන් පව් සමාවේද?

උතුරේ දෙමළ සහෝදර ජනතාවගේ අරගලයේ යුධ පෙරමුණ පරාජය කිරිමෙන් පසුව දකුණේ සභාව (ගිහි පූජක පැවිදි) ක්‍රියා කරන්නේ ජාතික ප‍්‍රශ්නය නිමා වී සාමය උදාවු බව සිතාගෙන වාගේය. රටේ සාමය සඳහා කළ යැදුම නවතා දමා තිබේ. සාමය ගැන ගැයුණු ගීතිකා එක දෙක ද දැන් ගැයෙන්නේ නැත.

නමුත් අප හොදින් දන්නා යථාර්ථය වන්නේ ජාතික ප‍්‍රශ්නයට පිළිතුරක් ලැබි නැති බවයි. යුද්ධයේ නිමාව තාවකාලික අවසානයක් පමණක් බවයි. සත්‍ය සෙවීම හා යුක්තිය ඉටුවීම සිදු විය යුතු බවත් දේශපාලන විසදුමක් ලබා දිය යුතු බවත් පැහැදිලිය. ඒ සඳහා දකුණේ සභාව යමක් සිදු කරන බවක් නොපෙනේ.

කිතුනු ලේඛකයින් හා සාහිත්‍යවේදින් අතින් ජාතික ප‍්‍රශ්නය නිසා පීඩා විඳි, විඳින ලක්ෂ සංඛ්‍යාත ජනතාවගේ අත්දැකීම් කිසිවක් ප‍්‍රතිනිර්මාණය නොවේ. ඉ`දහිට ලියැවෙන ලිපියක දෙකක පවා ඇත්තේ දේශපාලකයින්ගේ ප‍්‍රකාශන වලට ප‍්‍රතිචාරයන්ය. අපි ජාතිවාදින් නොවෙමුයි කියන බොහෝ දකුණු කිතුනු ලේඛකයින්ගේ ලිපි ලේඛන තුළ සැඟවුණු අවිඥානික ජාතිවාදය පවතින බව සැඟවිය නොහැකිය.

නිදන්ගත අවිඥානික ජාතිවාදයෙන්ද මිදුණු තරුණ පරපුරක් නිර්මාණය කරගැනීමට නම් සංහිදියා කතිකාවක පුළුල් කරගැනීමට වහා කි‍්‍රයාත්මක විය යුතුය. කෙටි කතාව, කවිය, කෙටි චිත‍්‍රපටිය, නවකතාව, ගීතිකාව මේ සඳහා යොදා ගන්නට සාමයේ කුමරුන් කරන ආරාධනය දැන්වත් පිළිගැනීම අවශ්‍ය ය.

උන්ගේ යුද්ධයට පසු අපගේ සාමය
කෙටි චිත‍්‍රපටි හා ගී නිර්මාණ තරඟය

ඊනියා යුධ ජයග‍්‍රහණයෙන් පසු ජාතික ප‍්‍රශ්නය විසඳුණිද? සැබෑ සාමය ඇති විණිද? ලේ වැකි අතීතය අනාගතයට උරුම නොවීමට අවැසි වෙනස රට තුල සිදුවිණිද? නැත.

ජාතිවාදය, ආගම්වාදය, කුලවාදය හෝ වෙනත් කිසිදු පටු දෘෂ්ටිවාදයක් සාධාරනීකරණය කිරීමට කිතු දහම මතු නොව කිසිදු දහමකින් ඉඩක් නැත.

සාධාරණත්වය මත පදනම් වූ ස්ථීර සාමය උදාකරගැනීමේ කතිකාව මුල් කරගෙන කෙටි චිත‍්‍රපටි හා ශ‍්‍රව්‍ය දෘෂ්‍ය හි නිර්මාණ තරඟයක් පැවැත්විම කිතුසරකටයුතු සැලසුම් කරයි.

මාධ්‍ය
සිංහල හෝ දෙමළ

තරඟ වර්ග

- කෙටි චිත‍්‍රපටි (විනාඩි 03-10 අතර)
- ගී නිර්මාණ
- ගීතිකා නිර්මාණ

තරඟ පැවැත්වෙන අංශ

- පාසල් අංශය - වයස අවුරුදු 20 අඩු අය සඳහා
- විවෘත අංශය - වයස අවු 20 වැඩි අය සඳහා

තරඟකොන්දේසි

- සෑම නිර්මාණයක්ම නව නිර්මාණ විය යුතුයි.
- නිර්මාණ කරුවෙකුට නිර්මාණ තුනක් දක්වා එවිය හැකිය.
- නිරමාණ ඩී.වී.ඩී මාධයෙන් භාර දිය යුතුය.
- නිර්මාණ භාරගන්නා අවසාන දිනය ඔක්තෝම්බර් 15

තැපෑලෙන් හෝ ගෙනැවිත් භාර දිය හැකි ස්ථාන

අංක: 57, රිදී මාවත, කළමුල්ල, කළුතර.
034 2224558/ 071 3363656

496/ බී, දළුවකොටුව, කොච්චිකඬේ.
071 4334990/ 077 9337221


No comments:

Post a Comment

කිතුසරට එක් කරන ඔබේ ස්වර...