‘‘දෙවන වතිකානු කතිකාව ඓතිහාසික වරදකි” යන ආකල්පය සියුම් ලෙස කතෝලික සභාවේ දහම් ගුරුවරුන් සමිති සංවිධාන නායකයින් අතරේ පතුරුවා හැරිමේ සියුම් වැඩපිළිවළක් කි‍්‍රයාත්මක වෙමින් ඇතැයි අනාවරණය වී තිබේ.
ප‍්‍රැන්සිස් සුදතුම් පියතුමාගේ ප‍්‍රගතිශිලි කාර්යභාරය දෙවනි වතිකානු කතිකාව ඉදිරියට ගෙනයාමක් ලෙස වඩාත් ඉස්මතු වෙද්දි එය යටපත් කිරිමේ සියුම් උපක‍්‍රමයක් ලෙස මෙය කි‍්‍රයාවට නැංවේ. එය ඕපුස්ඩෙයි සංවිධානයේ බලපෑම් මත තෝරාගත් කාඩිනල්වරු, රදගරුවරු, පූජකවරු හරහා කි‍්‍රයාවට නැංවේ.
සභා සම්ප‍්‍රදාය වඩා වැදගත් වන
බවත් දෙවන වතිකානු කතිකාව දේව වචනය ඉස්මතු කොට සම්ප‍්‍රදාය ද්විතීය කිරිම නිසා
සභාව දුර්වල වී ඇතැයි යන මතය මේ පිරිස ව්‍යාප්ත කරයි. ලතින් සජ්ජායනා ආදිය නැවත
ඉස්මතු කිරිම වඩා වැදගත් වන්නේ ඒ නිසා බව ප‍්‍රකාශ කරන්නේද මෙහි එක් අංගයක් ලෙසය.
ප‍්‍රැන්සිස් සුදතුම් පියතුමා රුසියානු ඕතඩොක්ස් සභාවේ නායකයාණන් වන පේ‍්‍රතියක් කී‍්‍රල්
හිමිපාණන් හමුවීම සභා සංවාදයට නව පියවරක් ලෙස ප‍්‍රගතිශීලින් හඳුන්වා දෙද්දී
කතෝලික සභාව එකම නිවැරදි සභාව යන මතය වඩාත් ව්‍යාප්ත කරමින් කිතුනු යන වචනය භාවිතා
නොකර සෑම විටම කතෝලික යන වචනයම භාවිතා
කිරිම කළ යුතු බවට ව්‍යාපාරයක් ද පෙර කී බලවේග දියත් කර ඇත.
(ජනිත ප‍්‍රනාන්දු
- මොරටුව)
2016 මාර්තු අප්‍රේල්
No comments:
Post a Comment
කිතුසරට එක් කරන ඔබේ ස්වර...